KEMPLU wis pirang-pirang wulan kie bingung soal bojone Lady Markonah sing mengalami "obesitas". Pokoke bar duwe anak siji, Lady Markonah sing ayu kue dadi lemu banget. Ana sing ngomong kaya bekel, kaya prahu karet kaya gajah lain liya-liyane. "Dik Markonah, ayuh sowan meng Kyai Daplun bae yuh ben ulih petunjuk," ajake Kemplu maring Markonah.Markonah juga setuju. Deweke terus sowan Kyai Daplun. "Kayane paling apik puasa. Nek dewek puasa seliyane nahan hawa napsu juga apik nggo kesehatan," Daplun aweh saran. Lady Markonah terusn nuruti sarane Kyai Daplun. Tapi wis telung wulan puasa, Markonah tetep bae lemu. Malah tambah lemu. Akhire sowan maning maring Kyaine. Bareng krungi ceritane Kemplu, Kya Daplun takon. "Jal takone puasane kaya ngapa," ujare Kyaine. Markonah njawab, nek deweke pancen puasa nek awan. Ning, nek bengi, maeme akeh banget. Sega 2 piring, susu telung gelas, tempene 5 kari camilane setoples.
Krungu kaya gue Daplun aweh wejangan maning. "Dadi wong kue kudu eling lan waspodo. Eling karo apa sing dipangan lan waspada karo penyakit sing bisa menyerang. Nek wis bisa nglakoni kue aku yakin kowe bisa langsing," jelase Daplun. "Lha kowe Plu, sebagai suami kowe juga melu eling lan waspodo. Nek kowe melu berperan, mesti tujuane Markonah sing kepengin langsing bisa tercapai," tambahe Daplun.
Temenan bar ulih nasehat kue, rong wulan bae Markonah wis langsing banget. Kyai Daplun sing maune aweh wejangan be dadi penasaran. Masalahe pas kon puasa setengah tahun, Markonah tetep lemu. Lha kiye lagi rong wulan, Markonah kok bisa langsing. "Plu Markonah bisa langsing rahasiane apa? "takone Daplun penasaran.
"Ya eling lan waspodo " jawab Kemplu simpel.
"Maksude kepriwe Plu. Aku dadi kepengin bisa ben bojoku cepet diet," takone Kyai Daplun.
"Eling lan waspodo. Eling karo bojo enom waspodo karo bojo tua alias aku duwe bojo nom," jawabe Kemplu kaya ora duwe dosa.
Krungu kaya gue Kyai Daplun gedeg-gedeg,. "Dasar wong bejad. Wong wadon ndi bae nek ditinggal royal ya mesti gering, Plu.... bejad... bejad," . (mam)
