"Sampah kue nek ora dibuang, bakal dadi penyakit. Ning nek dibuang sanggon-gon, sampah ya paha eh pada bae dadi penyakit. Nang agama Islam kue disebutaken Kebersihan sebagian dari pada iman. Mulane buanglah sampah pada tempatnya," khotbahe Kyai Daplun.
Krungu kaya kue Kemplu manthuk-manthuk keton setuju banget.
Sorene Kyai Daplun mlaku-mlaku golet hawa seger ngiras-ngirus ngabuburit nunggu wayah buka puasa. Ndilalah, nang cedhek pasar, ketemu Kemplu. Parahe, Kemplu keton metu seka "tempat begituan" (prostitusi). Weruh kaya kue, Kyai Daplun dadi penasaran. "Plu kowe apa sekang nggon "kaya kie"," takone Daplun karo aweh isyarat go tangan.
Kaya ora due salah, Kemplu manthuk. Malah terus "khotbah" nang ngarep Kyai Daplun. "Aku kan bar milu pengajiane rika (Pak Kyai Daplun,red) mau isuk babagan soal mbuang sampah. Ngendikane rika tolih nek mbuang sampah sembarangan dadi penyakit?"
"Ya bener kue. Tapi apa hubungane pengajian karo kowe bar menikmati layanan esek-esek, Plu" takone Dalun ora mudheng.
"Jerene kon buang sampah pada tempatnya..., Masa nyong kon mbuang "sampahku" nang kamar mandi terus,Pak. Lha gon kaya kie kan tempat yang sesuai go buang sampahe nyong. Primen si rika," jawabe Kemplu.
GLUBRAKKKKK......"Astahfirulloh, Ya Allah ampunilah dosane Kemplu Ya Allah," batine Kyai Daplun. (mam)
