BAR gagal dadi bakul obat tur dadi berprofesi sebagai germo ya esih di tutup polisi, Kemplu nganggur maning. Merga ora due duit, akhire Kemplu nglamar gawean dadi sipir (penjaga) rumah tahanan. Begitu ana pengumuman wawancara, Kemplu ketemu Daplun, Kepala Pengamanan Penjara."Mas, siki penjarane agi kebek. Akeh pejabat pada korupsi, campur karo maling ayam. Sing paling anyar ana anak mateni biyunge dhewek nang Karanggayam," ceritane Daplun karo mlintir kumis.
"Terus aku harus bilang woow, gitu. Eh, maksude lha terus kepriwe Pak?" takone pemuda sing akrab disapa John Kemplu kue.
"Ya siki kondisine runyam. Anggota binaan (narapidana) pada angel dikendalikna. Pada sekarepe dewek polahe. Apa kowe sanggup ngatasi?"
"Oh, no problemo, Pak. Nko ger ana sing macem-macem, sing ora taat karo aturan rutan tek kon metu bae," jawabe Kemplu semangat banget.
"BRAKKKKK....." Bocah somplak. Nganah metu, lamaranmu ditolak!" jawabe Daplun karo nggebrak meja. GLUBRAK....."nganggur maning" batine Kemplu terus semaput. (*)
