Nggo selimur pikiran, Kemplu mutusna pit-pitan. Lagi enak-enake pit-pitan, Kemplu weruh warung makan bukak. Rasane jan mengkel banget. Wis agi kencot , malah ana warung buka rasane kaya diiwi-iwi. Apamaning, selaku keamanan desa, Kemplu aweh pengumuman kabeh warung makan kudu tutup nang wulan puasa. "BRAKKKK......Bakule sapa kie?," takone Kemplu karo nggebrak meja.
"Aku, Mas. Ana apa?," jawabe sing duwe warung, Daplun.
"Rika pancen ora mikir banget, Pak. Ngerti nek lagi wulan puasa. Dina pertama maning. Lha ko malah buka warung. Uteke, wis. Apa maning wingi kan wis ana pengumuman, selama bulan puasa kabeh warung kudu tutup. TUTUPPPPPPPP. Krungu....???!," ucpe Kemplu karo mbentak.
Weruh esih ana "setan ucul nang wulan puasa", Daplun keweden. Akhire warunge ditutup. Mbarang warunge wis ditutup John Kemplu ujug-ujug mlebu warung. Grok jagong terus ngomong. "Nah nek wis ditutup kaya kie kan aman. Ora ana wong weruh. Ngeneh, nyong jaluk madhang. Aja klalen, es teh," ucape Kemplu.
.Daplun: ?????????? "Tenang bae. Aku kan wingi gole gawe pengumuman mung ora ulih bukak, udu ora ulih dodol," ucape Kemplu santai banget karo madang. GLUBRAKKKK......(mam)
