"Jal, kowe nyolong apa?" takone Plekentus karo ngrogohi sak celanane Kemplu. Nang sake Kemplu, Pak Satpam Plekentus nemu woh duku loro. Karo ngecungna duku maring raine Kemplu, Pak Satpam ngomong:
"Kie kowe terbukti nyolong duku rong butir. Merga kowe esih bocah sekolah, aku melas. Siki kowe tek ukum mbayar duku kie sijine Rp 5 ewu," omonge Plekentus.
Kemplu suwe mikir. Bareng uwis terus nyauri: "Ya wis Pak lah. Daripada nyongo dipenjara, tek bayar anggure."
Lagi bae Kemplu goleti dompet nang tas arep jukut duit , Daplun ngomong. "Slamet tur beja dhewek,Plu. Ukur kon mbayar duku rong butir. Dadi kie kacang asin rong kaleng ngko isa dipangan bareng," bisike maring Kemplu.
Ndilalah, Satpam Plekenthus krungu. "Oh, dadi karo nyolong kacang asin ya? Ya wis merga kowe esih pada sekolah, kowe mbayari kacang asin. Saben kacang asin regane Rp 5 ewu. Wis nganah..."
GLUBRAKKK..........Kemplu kejet-kejet. (*)
