Bareng tekan prapatan Gili Anyar, juragan Daplun kaget ora ilok. Merga olih nyetir karo nyekel HP, Juragan Daplun ora patia nggatekna dalan. Ujug-ujug, juragan Daplun nabrak motor sing nang ngarepe. "BRAK......Citttt"
Motor sing ditabrak mobile Daplun nganti ringsek. Untung sing duwe motor ukur lecet setitik. Krasa salah, Daplun terus marani wong sing duwe motor. "Waduh, ngapunten Mas. Motore sampean ajur. Sukur sampean ora luka parah.." omonge Daplun maring wong lanang sing duwe motor.
Anehe, wong sing duwe motor keton ayem bae. "Ora papa, Pak. Wong nang dalan ya lumrah ana senggolan..." omonge wong sing jenenge Kemplu kue.
Daplun terharu krungu omonge Kemplu. Padahal, nek nang posisine Kemplu, Daplun mesti ngamuk-amuk ora karuan. "Ya Mas. Ning men padha kepenake, aku ya kudu aweh ganti rugi maring sampean. Motore sampean gawa bengkel. Nko biayane kabeh tak tanggunge aku..." ujare Daplun.
"Ora usah, Pak.." omonge Kemplu gawe Daplun kaget maning.
"Waduh aja kaya kue, Mas. Nyong ya ora kepenak. Siki men padha-padha kepenake kepriwe lah..." omonge Daplun.
"Kaya kie bae Pak. Motorku ora usah dilebokna bengkel. Tapi aku njaluk tulung cicilane motorku dirampungna. Lagi tek cicil ping pindho kie.."
GLUBRAK........ "Nyong kon mbayari Rp 20 juta.. "Daplun nggejejer.(ma
