KEMPLU kie anggota polisi. Lah, wingi nang ndesane, ana demonstrasi. Atusan wong nggrudug bale desa menuntut Kades Plekentus mundur.
Sebagai warga setempat sekaligus polisi, Kemplu meng lokasi. Memantau karo njagani bok terjadi sesuatu yang tak diinginkan.
Prediksine Kemplu nyata. Kades Plekentus, senajan didemo wong akeh, ora wedi. "Aku ngerti, kie massa anu ana penggerake. Wong kue sing dadi provokator. Dadi mbok arep kaya ngapa rika pada, tek layani," sumbare Kades Plekentus karo mendelik-mendelik tur tangane nuding-nuding.
Krungu kaya kue, Koordinator pengunjuk rasa, Daplun emosi. Massa melu emosi. Kursi pada mabur, sandal melu terbang. Gerbang pager terus ambruk diterjang massa.
Weruh kaya kue, Kemplu milih bertindak. Kemplu maju nengahi sing pada emosi. "Stop-stop. Aku polisi. Aja pada emosi!!!!" omonge Kemplu.
Daplun dasare wong kurang ajar. "Lah nek kowe polisi terus kie massa pengunjuk rasa kon ngapa PLU??!!!" ujare Daplun mendelik-mendelik. Massa sing maune arep nyerang Lurah Plekentus, siki balik sasaran maring Kemplu.
"Ya ora papa. Aku gur arep ngomong karo sampean nek aku polisi," ujare Kemplu.
Kemplu terus mundur. Karo nelpon komandane sing terus ngirim pasukan dalmas. (*)
